第一首真真正正屬於我自己既歌，終於都出世啦！！呢首亦都係第一首自己認真作曲寫詞既歌。
一年幾前既四月，當我感覺到就快窒息既時候，我坐左係一個地方成個下晝，而就係個個下晝，我留意到好多平時我睇唔到既畫面同聼唔到既聲音，唔係有咩特別，只係我忽略左。我諗番好多對我生命重要既人同事，我諗番起我自己。個刻我忽然覺得我仍然能夠呼吸感受呢個世界，我愛既人仍在，我就值得為我活既每一日而微笑。跌跌碰碰又有咩好怕。
我唔想有一日我會忘記個刻既感受，番到屋企，我就寫寫寫寫，我開始釋懷啦，呢首歌就係咁誕生啦。
做呢首歌既過程比左好多新既體驗我，要多謝好多人Jay, Tomy, Kenji 係佢地同我一齊成就左呢首歌，令我行前左一大步。 Chill Sessions 幫我拍MV 既crew亦都好落力，不謀而合，所有拍既地方都係我平時中意既！同好多背後鼓勵我比信心我既人，我先信我自己既作品。
只要呢首歌能夠帶到一D 共鳴同力量比哪怕只有一個人，我已經覺得我首歌係分享得有價值。希望你記得無論發生咩事，依然有好美好既世界等你去感受。如果你喜歡，可以幫我分享比更多既人聼。
別忘 live version: https://youtu.be/YSYIX79xsd4
https://www.youtube.com/watch…
Search